www.met.ie fadhbanna scáileáin - léarscáil bhán / ní athraíonn an réamhaisnéis in aghaidh na huaire / glan taisce an bhrabhsálaí
Tagraíonn an t-ainm áite ag barr an leathanaigh bhaile don suíomh a úsáidtear don réamhaisnéis in aghaidh na huaire agus don phointeoir ar an léarscáil. Cliceáil air chun suíomh eile a roghnú. Mura n-athraíonn an suíomh, nó má thaispeántar réamhaisnéis téacs Réigiúnach mhícheart, is féidir an fhadhb a réiteach trí thaisce/sonraí www.met.ie amháin a ghlanadh i do bhrabhsálaí.
D’fhéadfadh glanadh na taisce an fhadhb a bhaineann le léarscáil bhán a réiteach freisin.
Ní dhéanann an fhadhb seo difear don réamhaisnéis in aghaidh na huaire san aip Met Éireann.
Seo a leanas roinnt moltaí chun an fhadhb a réiteach sna brabhsálaithe is coitianta:
Chrome ar ríomhaire deisce
Oscail táb nua in Chrome agus greamaigh an seoladh cuí sa bharra seoltaí ag an mbarr:
Chrome ar ríomhaire deisce
Oscail táb nua in Chrome agus greamaigh an seoladh cuí sa bharra seoltaí ag an mbarr:
chrome://settings/content/siteDetails?site=https%3A%2F%2Fwww.met.ie
Cliceáil ar Glan Sonraí agus ar Athshocraigh Ceadanna.
Ansin oscail táb nua agus téigh chuig https://www.met.ie/
Déileálfar leis amhail is gur do chéad chuairt ar an suíomh é, agus iarrfar ort glacadh le fianáin agus, más mian leat, do shuíomh a roghnú.
Chrome ar Android
Oscail brabhsálaí Google Chrome ar fhón cliste nó ar tháibléad, clóscríobh www.met.ie sa bharra seoltaí agus brúigh Iontráil. Deimhnigh go bhfuil an suíomh oscailte in Chrome (tapáil na trí phonc chothrománacha agus roghnaigh ‘oscail sa bhrabhsálaí’).
Tapáil na trí phonc ingearacha sa chúinne uachtarach ar dheis. Roghnaigh Socruithe – Socruithe Suímh – Gach suíomh. Tapáil an deilbhín cuardaigh agus clóscríobh met.ie. Roghnaigh www.met.ie agus ansin Glan & Athshocraigh. Ansin oscail Chrome arís agus téigh chuig www.met.ie. Athshocraíonn sé seo an iarraidh ar chead suímh agus an iarraidh chun glacadh le fianáin. Iarrfar ort iad a cheadú arís. Ba cheart go réiteodh sé seo an fhadhb leis an suíomh réamhaisnéise. D’fhéadfadh na treoracha seo a bheith éagsúil ag brath ar mhonaróir an ghléis.
Microsoft Edge ar ríomhaire
Oscail táb nua in Edge agus cuir an líne seo a leanas isteach sa bharra seoltaí, ansin brúigh Iontráil:
edge://settings/content/cookies/siteData?searchSubpage=met.ie
Cliceáil Bain gach rud atá le feiceáil.
Ansin athshocraigh ceadanna an tsuímh. Cóipeáil agus greamaigh an líne seo a leanas sa bharra seoltaí agus brúigh Iontráil:
edge://settings/content/all
agus cuir met.ie leis an mbarra Cuardaigh.
Cliceáil an tsaighead in aice le met.ie agus ansin cliceáil ceadaithe a Athshocrú. Oscail www.met.ie agus taispeánfar na roghanna maidir le fianáin agus cead suímh, roghnaigh na socruithe is fearr leat.
Safari ar ríomhaire
Agus tú i Safari, roghnaigh Safari ar barr ar chlé – Tosaíochtaí – Príobháideachas – Bainistigh Sonraí Suímh Gréasáin – cuardaigh met.ie agus scrios na sonraí. Ansin oscail táb nua agus téigh chuig https://www.met.ie/
Safari ar iPhone/iPad
Téigh chuig Socruithe – Safari – Advanced – Sonraí Suímh Gréasáin – cuardaigh met.ie bog trasna air agus roghnaigh Scrios. Ansin oscail Safari, oscail táb nua agus téigh chuig www.met.ie .
Firefox
Chun sonraí met.ie a ghlanadh in Firefox, oscail táb nua agus greamaigh an méid seo a leanas sa bharra seoltaí:
about:preferences#privacy
Faoi Fianáin agus Sonraí Suímh Gréasáin, cliceáil Bainistigh Sonraí, cuardaigh met.ie, roghnaigh é agus cliceáil Bain Roghnaithe. Cliceáil Sábháil Athruithe, ansin Bain chun é seo a dhúnadh. Ansin scrolláil síos go Ceadanna. Cliceáil Socruithe Suíomhanna, roghnaigh met.ie, cliceáil Bain Suíomh Gréasáin, agus ansin Sábháil Athruithe.
Oscail táb nua in Firefox agus téigh chuig www.met.ie. Déileálfar leis amhail is gurb é seo do chéad chuairt ar an suíomh.
Má bhíonn tuilleadh fadhbanna agat, déan teagmháil linn ag digital.queries@met.ie
Ceisteanna Coitianta maidir leis an Radar Báistí
An Radar Báistí is déanaí a léiríonn frasaíocht bheo agus an fhrasaíocht le 90 nóiméad anuas os cionn na hÉireann, déanfar sin a uasdátú gach 5 nóiméad. Is ionann frasaíocht agus báisteach, cloichshneachta nó sneachta. Ní bhraitheann an radar báistí frasaíocht atá gar den talamh, amhail ceobhrán. Is meascáin iad na híomhánna de radar Met Éireann agus radar an Met Office i mBaile Átha Cliath, i Sionainn,Castor Bay i gcontae Armagh agus sa Bhreatain Bheag, nuair atá siad ar fáil. Léirítear buillí tintrí, nuair a tharlaíonn siad, mar chros. Léirítear iad i ndearg ar dtús, ansin athraíonn siad go oráiste agus ansin go buí tar éis tréimhse ama, ansin imíonn siad ar fad.
Mar atá luaite thuas, ní bhraitheann an radar frasaíocht atá gar den talamh, amhail ceobhrán, tá cúpla cúis leis sin – go príomha mar go bhfuil aeróg an radair ag síneadh in airde agus d’fhéadfadh siad gan frasaíocht íseal a tharlaíonn faoi limistéar brathadóireachta an radair a bhrath; tá achar ón radar agus gnéithe topagrafacha ábalta teorainn a chur leis an méid frasaíochta a bhraitheann an radar freisin.
Tá córais radair báistí faoi réir seiceálacha cothabhála rialta, múchtar cumhacht na n-aonad aonair le linn na dtréimhsí sin, beidh tionchar aige sin ar íomhánna an radair sa limistéar ina thimpeall agus laghdóidh sé iad. Cuirtear fógraí cothabhála ar leathanach Twitter Met Éireann nuair a chuirtear ar an eolas muid.
D’fhéadfadh íomhánna ilchineálacha báistí teacht aníos ar léarscáil an radair ó am go ham, tá samplaí thíos:
- d’fhéadfadh ‘tranglam talaimh’ teacht aníos, tarlaíonn sin go minic i ndeisceart Chontae Bhaile Átha Cliath. Is ‘téarma é seo a úsáidtear do mhacallaí i gcórais leictreonacha, go háirithe nuair atáthar ag tagairt do radair. Is ón talamh, farraige, báisteach, ainmhithe/feithidí, lócháin agus sruthlaim atmaisféaracha a thagann macallaí dá leithéid de ghnáth..’ – Wikipedia. Ní frasaíocht cheart é seo agus níor cheart aird a thabhairt air.
- D’fhéadfadh Bandaí Geala a bheith ann freisin ina gciorcail frasaíochta timpeall ar radar, go minic le linn mhíonna an gheimhridh de bharr frithchaiteachta de chineálacha frasaíochta geimhriúla ag leibhéil níos airde san atmaisféar.
- D’fhéadfadh spócaí teacht aníos mar scáthanna fada ‘báistí’, d’fhéadfadh sé sin tarlú nuair atá ní éigin ag cur isteach ar chomhartha an radair. Ní frasaíocht cheart é seo agus níor cheart aird a thabhairt air.
Is déantáin nó macallaí bréagacha coitianta iad de chórais radair báistí agus ba cheart neamhaird a dhéanamh orthu más féidir. Tá siad ar ár léarscáil radair chun go mbeimid ábalta ár scagadh íseal-leibhéil a dhéanamh a fhágann gur féidir le frasaíocht níos mine teacht aníos ar íomhá an radair, agus creidimid go bhfuil an-tairbhe ag baint leis sin don phobail, d’ainneoin go gcaithfear cur suas leis na macallaí bréagacha. Ní gá teagmháil a dhéanamh linn fúthu
Tranglam talaimh ar léarscáil. Íomhá den léarscáil le caoinchead Google Maps
Bandaí Geala Radair. Íomhá den léarscáil le caoinchead OpenStreetMaps
Sampla de thrasnaíocht ‘spóca’ ar léarscáil an radair. Íomhá den léarscáil le caoinchead OpenStreetMaps
Radar Shionainne
Rabhaidh Aimsire do Thuaisceart Éireann
Taispeánann Met Éireann rabhaidh aimsire do Thuaisceart Éireann faoi láthair. Déantar é sin chun go mbeidh daoine ábalta na rabhaidh aimsire is déanaí, atá soiléir agus údarásach, d’Oileán na hÉireann a fháil in aon áit amháin. Go háirithe, táthar ag súil go gcuirfidh na rabhaidh uile-Éireann sábháilteacht na saoránach agus an tsochaí i réigiúin na teorann chun cinn.
Ní eisíonn Met Éireann rabhaidh aimsire do Thuaisceart Éireann ach cuireann sé ar taispeáint na rabhaidh do Thuaisceart Éireann a d’eisigh Met Office na Ríochta Aontaithe www.metoffice.gov.uk.
Tá rabhaidh oifigiúla aimsire do gach tír eisithe ag an tSeirbhís Náisiúnta Meitéareolaíochta. Eisíonn Met Éireann rabhaidh aimsire d’Éirinn (seachas Tuaisceart Éireann) agus eisíonn an Met Office sa Ríocht Aontaithe rabhaidh do Thuaisceart Éireann, Albain, An Bhreatain Bheag agus Sasana.
Tugtar foláireamh Ómra (nó ‘Amber’ i mBéarla) ar rabhadh Oráiste do Thuaisceart Éireann mar is é seo an códú de réir dathanna a úsáideann Met Office na Ríochta Aontaithe, is é sin Buí/Ómra/Dearg in áit na lipéad Buí/Oráiste/Dearg a úsáideann Met Éireann.
Mar gheall ar cé chomh gar dá chéile is atáimid agus ar na córais aimsire a roinnimid go rialta, oibríonn Met Éireann agus Met Office na Ríochta Aontaithe i gcomhar lena chéile maidir le stoirmeacha a thuar agus a ainmniú.
Faisnéis maidir le suíomh Gréasáin agus aip nua Met Éireann a úsáid
Má tá aon cheist agat maidir lenár suíomh Gréasáin agus aip nua a úsáid féach ar an gcéad leathanach cabhrach ar an leathanach treorach
Conas is féidir liom iarratas Saorála Faisnéise (FOI) a chur faoi bhráid Met Éireann?
Is féidir iarratais Saorála Faisnéise a chur chugainn trí láithreán gréasáin ár Ranna, mar atá thíos
Cad is stáisiún breathnadóireachta ann?
Tá Ceancheathrú Met Éireann lonnaithe ar Chnoc Ghlas Naíon, Baile Átha Cliath 9. Tá stáisiúin bhreathnadóíreachta sna háiteanna seo a leanas:
Freithiúin Ghaoithe
Is bealach áisiúil iad freithiúin ghaoithe le treo agus luas na gaoithe a léiriú. Tá trí pháirt i bhfreithiún gaoithe: ponc, crann agus cleití nó bratacha. Léiríonn an crann den bhfreithiún gaoithe treo na gaoithe. Léiríonn freithiún fada amháin 10 muirmhíle san uair agus léiríonn freithiún gearr 5 muirmhíle san uair. Ag 50 muirmhíle san uair athraíonn an freithiún go dtí bratainn. Chun luasanna gaoithe níos sciobtha ná 50 muirmhíle san uair a léiriú, úsáidtear freithiúin ghearra agus fhada arís in éineacht leis an mbratainn (na bratainní).
Freithiúin Ghaoithe |
Muirmhíle san Uair |
 |
Calm |
 |
2 |
 |
5 |
 |
10 |
 |
15 |
 |
20 |
 |
25 |
 |
30 |
 |
35 |
 |
40 |
 |
45 |
 |
50 |
 |
55 |
 |
60 |
 |
65 |
 |
70 |
 |
75 |
 |
105 |
Cad iad na cineálacha éagsúla ionstraimí Meitéareolaíochta atá ann agus cad a thomhaiseann siad?
Ainéimiméadar: Tomhaiseann sé luas agus treo na gaoithe.
Baraiméadar: omhaiseann sé brú an atmaisféar.
Síleáilmhéadar: Tomhaiseann sé airde bhonn an chisil scamall.
Taismhéadar: Tomhaiseann sé taise an aeir.
Méadar Báistí: Tomhaiseann sé an méid frasaíochta.
Taifeadán Gréine: Tomhaiseann sé fad thaitneamh na gréine.
Scáthlán Stevenson: Bosca dronuilleogach adhmaid le lataí aerála ina bhfuil teirmiméadair bholgáin fhliucha agus thirime uasta agus íosta. Ar thaobh na láimhe deise tá teirmeagraf démhiotallach agus tá hidreagraf ar thaobh na láimhe clé.
Cad is brí leis na téarmaí aimsire seo go léir?
- Frithchioclón: Réigiún den atmaisféar ina bhfuil an brú ard i gcomparáid leis na réigiúin ina thimpeall ag an leibhéal céanna.
- Lagrach: Réigiún den atmaisféar in bhfuil an brú níos ísle ná na réigiúin ina thimpeall ag an leibhéal céanna. Malairt an fhrithchioclóin.
- Cioclón:Droch-stoirm thrópaiceach le brú atmaisféarach íseal ag a lár agus gaotha láidre ag séideadh ina thimpeall.
- Sruth na Murascaille: Feacht d’uisce te dromchla aigéin ag sreabhadh ó Mhurascaill Mheicsiceo i dtreo iarthuaisceart na hEorpa. Tá sé ar an ngné is mó a choinníonn an geimhreadh in Éirinn cuíosach bog.
- heicteaPascal: Aonad brú, coibhéiseach le Milleabar.
- Iseabar: Líne a cheanglaíonn pointí ar chomhbhrú.
- Isihiait: Líne a cheanglaíonn pointí leis an méid céanna frasaíochta le linn tréimhse shainithe.
- Isotach: Líne a cheanglaíonn pointí ar chomhluas gaoithe.
- Isiteirm: Line a cheanglaíonn pointí ar chomhtheocht aeir.
Cá bhfaighinn tuilleadh eolais ar staitisticí aimsire?
Téigh chuig Recent Weather chun aimsir an lae inné a fháil agus sonraí míosúla don bhliain go dtí seo.
Téigh chuig Climate section (meán 30 bliain) dóibh seo a leanas:
- Meánteochtaí Míosúla Aeir
- Méanteaochtaí uasta agus íosta Aeir
- Luasanna Gaoithe
- Báisteach, Grian, Brú agus meáin agus foircinn chlíomeolaíochta eile
Má tá tuilleadh eolais uait amhail tuairiscí aimsire, tuairimí na saineolaithe nó anailís shonrach, téigh i dteagmháil lenár Rannóg Aeráide agus Breathnadóireachtaí.
Féadfaidh táillí a bheith i bhfeidhm do sholáthar na nithe thuasluaite.
Cén difríocht atá idir aeráid agus aimsir?
Tagraíonn aeráid do thaifid fhadtéarmacha, do threochtaí agus do mheáin agus don méid a d’fhéadfá a bheith ag súil leis ó thaobh na haimsire de. Cinntear aeráid de ghnáth ach mionscrúdú a dhéanamh ar thosca aimsire thar thréimhse fhada ama. Is é atá i gceist le haimsir ná an t-eispéireas ó lá go lá – an rud atá ag tarlú i láthair na huaire.
Cad é an Scála Beaufort?
Chruthaigh an tAimiréal Francis Beaufort an Scála Beaufort sa bhliain 1805/06. Bealach atá ann láidreacht na gaoithe a thomhas de réir chuma na farraige (nó ar talamh, ó fhreagairt na gcrann don aimsir).
| Fórsa | Cur síos achomhair | Sonraíochtaí d’úsáid ar talamh | Luas Gaoithe ag 10m os cionn Leibhéal na Talún | ||
|---|---|---|---|---|---|
| Knots | m/s | km/h | |||
| 0 | Ciúin | Éiríonn gal go hingearach | < 1 | < 0.3 | < 1 |
| 1 | Aer éadrom | Taispeánann gal treo na gaoithe ach ní thaispeánann eití treoracha gaoithe treo na gaoithe | 1 – 3 | 0.3 – 1.5 | 1 – 5 |
| 2 | Séideán éadrom | Gaoth le brath ar an aghaidh, duilleoga ag siosarnach, bogann an ghaoth gnáth-eití treoracha gaoithe | 4 – 6 | 1.6 – 3.3 | 6 – 11 |
| 3 | Séideán bog | Duilleoga agus craobhóga ag bogadh de shíor, síneann an ghaoth brat éadrom | 7 – 10 | 3.4 – 5.4 | 12 – 19 |
| 4 | Séideán measartha | Ardaíonn deannach agus páipéar scaoilte, bogtar craobhacha beaga | 11 – 16 | 5.5 – 7.9 | 20 – 28 |
| 5 | Séideán fionnuar | Tosaíonn crainn bheaga atá faoi dhuilliúr ag luascadh, cruthaítear círíní toinne ar uiscí intíre | 17 – 21 | 8.0 – 10.7 | 29 – 38 |
| 6 | Séideán láidir | Craobhacha móra ag gluaiseacht, feadaíl le cloisteáil ó shreangáin teileagraif, deacair scáth báistí a úsáid | 22 – 27 | 10.8 – 13.8 | 39 – 49 |
| 7 | Neas-ghála | Crainn iomlána ag gluaiseacht, deacair siúl i gcoinne na gaoithe | 28 – 33 | 13.9 – 17.1 | 50 – 61 |
| 8 | Gála | Briseann craobhóga de na crainn, tríd is tríd an-deacair siúl i gcoinne na gaoithe | 34 – 40 | 17.2 – 20.7 | 62 – 74 |
| 9 | Gála láidir | Roinnt damáiste struchtúrach déanta (crocaí simléir agus sclátaí bainte) | 41 – 47 | 20.8 – 24.4 | 75 – 88 |
| 10 | Stoirm | Is annamh a tharlaíonn seo intíre, crainn bainte ó fhréamh, damáiste suntasach struchtúrach | 48 – 55 | 24.5 – 28.4 | 89 – 102 |
| 11 | Stoirm fhíochmhar | Is annamh a tharlaíonn seo, de ghnáth bíonn damáiste forleathan ann dá bharr | 56 – 63 | 28.5 – 32.6 | 103 – 117 |
| 12 | Hairicín | – | 64 > | 32.7 > | 117 > |
Cén chaoi a dtomhaistear gaoth?
Treo
Tagraítear do threo na gaoithe de réir phointí an chompáis óna bhfuil an ghaoth ag séideadh, mar shampla aduaidh, aneas, aniar aneas. Tagann gaoth anoir ón oirthear. Go minic cuirtear síos ar ghaotha de réir athrú ar threo na gaoithe. Uaireanta bíonn gaoth aduaidh ag bogadh (veering) soir. Deirtear go bhfuil gaoth ag aistriú tuathal nuair atá sí ag dul ar ais ar a threo mórthimpeall an chompáis (tuathalach). I gcás gaoth a athraíonn treo (veer) deirtear go bhfuil sí ag gluaiseacht ar deiseal. Déantar treo na gaoithe a thomhas ag baint úsáide as eite gaoithe agus is féidir an treo a thaifeadadh ar ghaothrós ach cearnóg a dhathú, a chomhfhreagraíonn don treo óna bhfuil sí ag séideadh.
Gaoth
Baintear úsáid as ainéimiméadar nó as gaothaire chun luas na gaoithe a mheas i gciliméadair nó i mílte san uair. Bogann cupáin an ainéimiméadair de réir luas na gaoithe.
Úsáidtear Scála Beaufort chun láidreacht na gaoithe a thomhas BREATHNAIGH AR SCALA BEAUFORT
Ba chóir ionstraimí gaoithe a choinneáil in áit nach bhfuil cóngarach do bhallaí, do chlaí agus do sconsaí, mar go gcuirfeadh a leithéid isteach ar an léamh agus bheadh sé deacair treo na gaoithe a dhéanamh amach.
Cad is féidir leat a rá liom faoi thuairiscí aimsire?
Taifeadtar na léamha gach uair inár stáisiúin aimsire go léir. Treo agus luas na gaoithe, teochtaí bolgán fliuch agus tirim óna dtomhaistear taise, brú agus claonadh an atmaisféar, méideanna scamall agus airde na scamall, feicseanacht, aimsir láithreach nó a bhí ann le huair an chloig anuas agus aimsir a tharla le trí huaire anuas.
Déantar na léamha a chódú agus a iontráil ar an Ríomhaire Pearsanta áit a ndéantar rialú cáilíochta orthu agus déantar iad a tharchur trí mhóideim chuig Glas Naíon i mBaile Átha Cliath.
An féidir leat réamhaisnéis aimsire a scríobh dom le haghaidh timpiste gluaisteáin?
Caithfidh duine dár meitéareolaithe inár n-oifig Fiosruithe Clíomeolaíochta tuairisc dhlíthiúil nó éileamh árachais nó a leithéid chéanna a scríobh. Is féidir sampla de thuairisc mar seo a fheiceáil anseo agus tá liosta dár dtáillí don tseirbhís seo ar fáil anseo.
Cad iad na cineálacha gairmeacha atá ar fáil le Met Éireann?
Tá dhá ghrád iontrála ag Met Éireann:
- Meitéarolaí
- Oifigeach Meitéareolaíochta
Cén sórt oibre a dhéanann Meitéareolaí?
Baineann obair an Mheitéareolaí le measúnú agus anailís a dhéanamh ar eolas faoin aimsir. I measc na ndualgas a bhíonn ar an Meitéareolaí tá iniúchadh agus taighde ar thréithe fisiceacha na ndlíthe a rialaíonn gluaiseacht an aeir, brú, agus athruithe teochta d’fhonn a fháil amach cad a chúisíonn tosca atmaisféaracha éagsúla. I measc na ndualgas eile tá achoimriú ar shonraí aimsire d’fhonn léarscáileanna aimsire a ullmhú agus réamhaisnéis a thabhairt maidir le hathruithe ar an aimsir.
Cén sórt oibre a dhéanann an tOifigeach Meitéareolaíochta?
Déanann an tOifigeach Meitéareolaíochta na bundualgais theicniúla sa tSeirbhís Meitéareolaíochta. Ina measc tá breathnadóireachtaí aimsire, cúram agus cothabháil na hionstraimíochta agus na n-áiseanna cumarsáide, oibríochtaí ríomhairí agus ríomhchlárú.
An féidir liom m’intéirneacht nó mo shocrúchán mic léinn a dhéanamh le Met Éireann?
Is oth linn a rá nach féidir linn glacadh le haon mhic léinn faoi láthair ar shocrúcháin oibre.
Cad a chiallaíonn na siombailí uile aimsire?
Seo liosta de na siombailí aimsire a úsáideann Met Éireann agus a gcur síos.
Lá |
Oíche |
Cur síos |
 |
 |
Grian/spéir glan |
 |
 |
Beagánín scamallach |
|
|
|
Beagánín scamallach |
 |
 |
Scamallach |
 |
 |
Ceathanna báisteach éadrom |
 |
 |
Ceathanna |
 |
 |
Ceathanna báisteach trom |
 |
 |
Ceathanna báisteach agus toirneach |
 |
 |
Ceathanna flichshneachta |
 |
 |
Ceathanna sneachta |
 |
 |
Báisteach le scamall íseal |
 |
 |
Báisteach |
 |
 |
Báisteach trom |
 |
 |
Báisteach trom agus toirneach |
 |
 |
Flichshneachta |
 |
 |
Sneachta |
 |
 |
Sneachta agus toirneach |
 |
 |
Ceo/ceo reoite |
 |
 |
Ceathanna flichshneachta agus toirneach |
 |
 |
Ceathanna sneachta agus toirneach |
 |
 |
Báisteach agus toirneach |
 |
 |
Flichshneachta agus toirneach |
 |
 |
Ceathanna báisteach eadrom agus toirneach |
 |
 |
Ceathanna báisteach trom agus toirneach ? |
 |
 |
Ceathanna flichshneachta éadrom agus toirneach |
 |
 |
Ceathanna flichshneachta trom agus toirneach |
 |
 |
Ceathanna sneachta éadrom agus toirneach |
 |
 |
Ceathanna sneachta trom agus toirneach |
 |
 |
Báisteach éadrom agus toirneach nó tintreach |
 |
 |
Flichshneachta éadrom agus toirneach |
 |
 |
Flichshneachta trom agus toirneach |
 |
 |
Sneachta éadrom agus toirneach |
 |
 |
Sneachta trom agus toirneach |
 |
 |
Ceathanna éadrom flichshneachta |
 |
 |
Ceathanna flichshneachta trom/báistí reoite |
 |
 |
Ceathanna sneachta éadrom |
 |
 |
Ceathanna sneachta trom |
 |
 |
flichshneachta éadrom |
 |
 |
Flichshneachta trom |
 |
 |
Sneachta éadrom |
 |
 |
Sneachta trom |
 |
 |
Ceathanna clocha sneachta éadrom |
 |
 |
Ceathanna clocha sneachta trom |
Notá: Tá cuid de na siombailí úsaidí faoi dhó, le haghaidh imeachtaí aimsire den chineál céanna.