Folúntais

Is rannóg líne den Roinn Tithíochta, Rialtais Áitúil agus Oidhreachta í Seirbhís Náisiúnta Mheitéareolaíochta na hÉireann, Met Éireann agus is í an príomh-sholáthróir sa Stát í ar eolas i dtaobh na haimsire agus ar sheirbhísí gaolmhara.

Oifigeach Meitéareolaíochta

Tá Met Éireann, Seirbhís Náisiúnta Meitéareolaíochta na hÉireann, ag earcú Oifigigh Mheitéareolaíochta faoi láthair i gcomhair réimse leathan ról san eagraíocht trí chéile.

Tá freagracht as soláthar tacaíochta teicniúla agus riaracháin do ghníomhaíochtaí na heagraíochtaí i gceist leis an ról mar Oifigeach Meitéareolaíochta i Met Éireann. Beidh sealobair ag baint le cuid de na poist, lena n-áirítear sealanna 24/7 – mar shampla in Ard-Oifig na Réamhaisnéise, Oifig Réamhaisnéise Tuilte, nó sna hOifigí Eitlíochta ag roinnt Aerfort in Éirinn. Gheobhaidh baill foirne a cheaptar i róil seala liúntas seala breise, suas go dtí 27% ag brath ar phatrún an tseala.

Tá Met Éireann ag earcú Oifigigh Mheitéareolaíochta sna réimsí seo a leanas:
1. Innealtóirí Ionstraimíochta
2. Teicneoirí TFC
3. Oifigigh Oibríochtaí
4. Oifigigh Chlíomeolaíochta

Údarás/Roinn atá ag Fostú
An Roinn Tithíochta, Rialtais Áitiúil agus Oidhreachta (Met Éireann).

Earcaíocht
Tá an Roinn Tithíochta, Rialtais Áitiúil agus Oidhreachta (Met Éireann) ag earcú do na poist seo faoina
Ceadúnas Earcaíochta arna eisiúint ag an gCoimisiún um Cheapacháin Seirbhíse Poiblí (CCSP) agus
i gcomhréir le Cód Cleachtais CCSP.

Suíomh Gréasáin an Údaráis/na Roinne atá ag Fostú
www.met.ie

Suíomh
Ceapfar OManna a earcaítear i bpoist ag réimse láithreacha, lena n-áirítear Ceannáras Met Éireann i nGlas Naíon, Baile Átha Cliath 9 agus aerfoirt an Stáit ó cheann ceann na tíre (Aerfort Bhaile Átha Cliath, Aerfort na Sionainne, Aerfort Chorcaí, Aerfort Iarthar Éireann, Aeradróm Mhic Easmainn).
Éileofar go rialta ar OManna a oibríonn i réimsí oibríochta dualgais seala a dhéanamh (lena n-áirítear dualgais oíche), ag an eireadh seachtaine agus ar Laethanta Saoire Poiblí. Tá liúntas seala 27% ag baint le sealobair, a íocfar i dteannta le tuarastal an Oifigigh, gach coicís.

Iarratais
Is é an dáta deiridh le haghaidh iarratas ná Dé hAoine an 17 Bealtaine 2024 ag 5pm.

Ba cheart d’iarratasóirí foirmeacha iarratais comhlánaithe a chur isteach chuig recruitment@met.ie
Tabhair faoi deara: ní mheastar ach iarratais a chuirtear isteach ar an bhfoirm iarratais oifigiúil.
Cliceáil anseo chun an fhoirm iarratais a íoslódáil

Eolas Breise

Competency framework

Dáta Fógraíochta
25/04/2024

Dáta Deiridh le haghaidh Iarratas
17/05/2024 ag 5pm

Comhaltacht Iardhochtúireachta le Met Éireann

Tá Met Éireann, rannán líne den Roinn Tithíochta, Rialtais Áitiúil agus Oidhreachta, ag lorg léirithe spéise i gcomhaltacht taighde a thosóidh chomh luath agus is féidir. Seo a leanas cur síos ar an ról atá le líonadh.

Taighdeoir lardhochtúireachta – Cruthú Feabhsaithe Greille Paraiméadar Aeráide (Conradh ar Théarma Seasta)

Cuireann Met Éireann éagsúlacht de tháirgí greillithe ar fáil, idir léarscáileanna frasaíochta laethúla go dtí eangacha meánteochta fadtéarma, le húsáid laistigh agus lasmuigh den eagraíocht. Tá méadú ag teacht ar an éileamh atá ar na heangacha agus na léarscáileanna seo agus tá siad ag éirí mar chloch choirnéil i seachadadh seirbhísí aeráide Met Éireann agus mar sin tá sé riachtanach go léiríonn stóinsithe agus cruinn iad ar an bparaiméadar atá á cur i láthair.

Oibreoidh an t-iarrthóir rathúil le Rannóg na Seirbhísí Aeráide ar fhorbairt feidhmchlár i mbogearraí R ar féidir leo paraiméadair aeráide éagsúla a ghreilleáil go beacht agus go stóinsithe thar raon scálaí ama agus úsáid á baint as algartam úrscothach. Táthar ag súil go gcuimseoidh an táirge deiridh teicníochtaí idirshuíomh éagsúla agus modheolaíocht chun a gcruinneas a chinneadh agus an eangach is cruinne á tháirgeadh.

Roinn/Údarás Fostaithe

An Roinn Tithíochta, Rialtais Áitiúil agus Oidhreachta (Met Éireann).

Earcaíocht

Tá an Roinn Tithíochta, Rialtais Áitiúil agus Oidhreachta (Met Éireann) ag earcú don phost seo faoina Ceadúnas Earcaíochta arna eisiúint ag an gCoimisiún um Cheapacháin Seirbhíse Poiblí (CCSP) agus de réir Chód Cleachtais an CCSP.

Suíomh Gréasáin na Roinne Fostaithe/an Údaráis Fostaithe

www.met.ie

Suíomh

Ceanncheathrú Met Éireann, Glas Naíon, Baile Átha Cliath 9

Iarratais

Is é an dáta deiridh le haghaidh iarratas ná Dé Domhnaigh an 28 Aibreán 2024 ag 5pm

Eolas Breise

Cliceáil anseo chun an fhoirm iarratais a íoslódáil

Ba cheart d’iarratasóirí foirmeacha iarratais comhlánaithe a chur isteach chuig recruitment@met.ie.

Tabhair faoi deara: ní mheastar ach iarratais a chuirtear isteach ar an bhfoirm iarratais oifigiúil.

Eolas Breise (Candidate booklet)

Ráiteas Príobháideachta

Dáta Fógraíochta

An 27 Márta 2024

Dáta Deiridh le haghaidh Iarratas

Dé Domhnaigh an 28 Aibreán 2024 ag 5pm

Comhaltacht Iardhochtúireachta le Met Éireann

Taighdeoir lardhochtúireachta – Teagmhais báistí ard-déine gearrthréimhse sa todhchaí d’Éirinn. (Conradh ar théarma seasta).

Agus an t-iarrthóir a n-éireoidh leis/léi ag oibriú i Rannóg na Seirbhísí Aeráide, forbróidh sé/sí samhail dianbháistí, atá bunaithe ar bhogearraí R, a thabharfaidh cuntas ar réamh-mheastacháin athraithe aeráide a thuar méideanna báistí ag aon láthair ar leith a d’fhéadfadh a bheith ag teastáil ó úsáideoirí. Faoi láthair tá samhail dianbháistí ag Met Éireann atá bunaithe ar shonraí stairiúla, ach níl éifeachtaí aeráide atá ag athrú mar chuid di.

Fiosróidh an t-iarrthóir roghnaithe bealaí éagsúla chun samhail a fhorbairt trí scrúdú a chuimsíonn modheolaíocht reatha Met Éireann, agus ag an am céanna ag smaoineamh ar na cuir chuige a úsáideann seirbhísí meitéareolaíochta eile.

Leis an tástáil beifear in ann an tsamhail is fearr a shainaithint agus a fhorbairt tuilleadh agus beidh samhail dhoiciméadaithe dheiridh mar thoradh uirthi, mar aon le tacair sonraí agus léarscáileanna maidir le dianbháisteach.

Le haghaidh tuilleadh sonraí faoin bpost tabhair cuairt le do thoil ar www.met.ie/about-us/vacancies.