Forbhreathnú
I bhfianaise na báistí a thit le déanaí, leibhéil na n-aibhneacha agus na ndálaí atá ann cheana, tá seans ann go mbeidh tuilleadh tuilte sa deisceart, san oirdheisceart, i lár na tíre, san oirthear agus san oirthuaisceart Dé Céadaoin agus ag leanúint isteach Déardaoin. Tá foláirimh bháistí agus ghaoithe eisithe don Chéadaoin, agus tá foláireamh báistí agus sneachta eisithe do Dhún na nGall freisin.
D’fhéadfadh taoidí earraigh sna laethanta amach romhainn, i gcomhar le gaotha láidre agus borradh stoirme, bac a chur ar shileadh uisce ó aibhneacha agus an baol tuilte a mhéadú i gceantair chósta agus inbhir atá íseal, go háirithe tráth na hardtaoide.
An scéal
Leanann lagbhrú Atlantach de bheith ag stiúradh ár bpatrúin aimsire, agus tá córas eile lagbhrú ag druidim le hÉirinn inniu. Tabharfaidh sé seo tréimhsí measartha forleathana de bháisteach throm thar oíche agus Dé Céadaoin. Beidh na méideanna báistí is mó sa leath thoir den tír, agus glanfaidh an bháisteach ó cheantair an iarthair faoi luath-thráthnóna. In éineacht leis an mbáisteach, a bheidh trom in amanna agus a d’fhéadfadh tuilte dromchla agus tuilte abhann a chruthú, meastar freisin go bhforbróidh gaotha láidre siotacha ón oirdheisceart, agus beidh stoirmeacha feadh na gcóstaí. Tiocfaidh na gaotha is láidre san oirthear le hardtaoide maidin Dé Céadaoin feadh an chósta thoir, rud a mhéadóidh an baol go mbeidh scaileogú agus go mbeidh tuilte cósta i gceantair ísle atá i mbaol tuilte. San iarthuaisceart, casfaidh an bháisteach ar aer fuar agus d’fhéadfadh sí titim mar fhlichshneachta nó mar shneachta ar feadh tamaill, go háirithe ar thalamh ard, sula n-iompóidh sí ar ais ina báisteach níos déanaí sa lá. Beidh sé an-ghaofar san iarthar agus san iarthuaisceart freisin.
Lean an treocht d’aimsir níos fliche ná an meán san oirthear agus sa deisceart isteach i mí Feabhra, agus tá idir trí huaire agus ceithre huaire an ghnáthmhéid báistí taifeadta i gcodanna den oirthear le linn an chéad choicíse den mhí Feabhra. Léiríonn an íomhá thíos na méideanna báistí a taifeadadh ar fud na tíre le ceithre lá dhéag anuas, agus na diallais is mó ón meán le feiceáil san oirthear.
Fíor 1: Báisteach: An ceithre lá dhéag seo caite
Fíor 2: Réamhaisnéis DINI maidir le báisteach agus gaoth don Chéadaoin
Comhairle Sábháilteachta don Phobal
- Coinnigh súil ar réamhaisnéisí Met Éireann mar d’fhéadfadh na coinníollacha athrú go tapa. Tabhair cuairt ar https://www.met.ie/ chun an t-eolas is déanaí a fháil. Tá eolas ar fáil freisin tríd an Aip Met Éireann, ar na meáin shóisialta (@meteireann) agus i bhfeasacháin Met Éireann.
- Féach ar shuíomhanna gréasáin agus ar chainéil mheán sóisialta na n-údarás áitiúil chun eolas a fháil faoi dhúnadh bóithre, nuashonruithe maidir le tuilte agus foláirimh phobail.
- Cuir moilleanna san áireamh agus tú ag taisteal. Cuir am breise ar leataobh don turas agus laghdaigh do luas.
- Cuir uisce dromchla, smionagar agus droch-infheictheacht san áireamh agus tú ar an mbóthar.
- Ná téigh thar chomharthaí Bóthar Dúnta – tá an bóthar amach romhat neamhshábháilte, d’fhéadfadh an damáiste a bheith i bhfolach faoin uisce, agus d’fhéadfá do bheatha a chur i mbaol.
- Ná tiomáin trí uisce tuilte – cas ar ais agus bain úsáid as bealach eile.
- Seiceáil le hOibreoirí Iompair agus tú ag pleanáil turais
- Fan amach ó bhruacha abhann, sruthchúrsaí agus canálacha mar d’fhéadfadh leibhéil uisce ardú go tapa.
- Coinnigh leanaí agus peataí amach ó uiscebhealaí agus ó limistéir faoi thuilte.
- Fan amach ó imeall an chósta, ó chalafoirt, ó chéanna agus ó phromanáidí ísle le linn na hardtaoide.
- Tá comhairle Gharda Cósta na hÉireann mar a bhí: “Fan Siar, Fan Ard, Fan Tirim.”
- Déan cinnte go bhfuil comharsana, daoine scothaosta agus aon duine eile a bhféadfadh cúnamh a bheith ag teastáil uathu slán, go háirithe má théann na coinníollacha in olcas.
- Is féidir teagmháil a dhéanamh le Seirbhísí Éigeandála BSL ag 1800 372 999.
- Is féidir leis an bpobal monatóireacht a dhéanamh ar www.PowerCheck.ie chun eolas a fháil faoi amanna athsholáthair an tsoláthair leictreachais.
- Is féidir le Custaiméirí Uisce Éireann a suíomh gréasáin agus a gcainéil ar na meáin shóisialta a sheiceáil agus teagmháil a dhéanamh leo le ceist nó ábhar imní ar bith trína n-ionad cúraim custaiméirí 24/7 ag 1800 278 278. Is féidir leis an bpobal síniú suas ar líne le córas fógra téacs saor in aisce chun nuashonruithe rialta a fháil maidir lena soláthairtí áitiúla – féach www.water.ie.
- Seiceáil leibhéil na n-aibhneacha ar waterlevel.ie
Feabhra 17: Baol tuilleadh tuilte de réir mar a leanann an aimsir athraitheach
Forbhreathnú
I bhfianaise na báistí a thit le déanaí, leibhéil na n-aibhneacha agus na ndálaí atá ann cheana, tá seans ann go mbeidh tuilleadh tuilte sa deisceart, san oirdheisceart, i lár na tíre, san oirthear agus san oirthuaisceart Dé Céadaoin agus ag leanúint isteach Déardaoin. Tá foláirimh bháistí agus ghaoithe eisithe don Chéadaoin, agus tá foláireamh báistí agus sneachta eisithe do Dhún na nGall freisin.
D’fhéadfadh taoidí earraigh sna laethanta amach romhainn, i gcomhar le gaotha láidre agus borradh stoirme, bac a chur ar shileadh uisce ó aibhneacha agus an baol tuilte a mhéadú i gceantair chósta agus inbhir atá íseal, go háirithe tráth na hardtaoide.
An scéal
Leanann lagbhrú Atlantach de bheith ag stiúradh ár bpatrúin aimsire, agus tá córas eile lagbhrú ag druidim le hÉirinn inniu. Tabharfaidh sé seo tréimhsí measartha forleathana de bháisteach throm thar oíche agus Dé Céadaoin. Beidh na méideanna báistí is mó sa leath thoir den tír, agus glanfaidh an bháisteach ó cheantair an iarthair faoi luath-thráthnóna. In éineacht leis an mbáisteach, a bheidh trom in amanna agus a d’fhéadfadh tuilte dromchla agus tuilte abhann a chruthú, meastar freisin go bhforbróidh gaotha láidre siotacha ón oirdheisceart, agus beidh stoirmeacha feadh na gcóstaí. Tiocfaidh na gaotha is láidre san oirthear le hardtaoide maidin Dé Céadaoin feadh an chósta thoir, rud a mhéadóidh an baol go mbeidh scaileogú agus go mbeidh tuilte cósta i gceantair ísle atá i mbaol tuilte. San iarthuaisceart, casfaidh an bháisteach ar aer fuar agus d’fhéadfadh sí titim mar fhlichshneachta nó mar shneachta ar feadh tamaill, go háirithe ar thalamh ard, sula n-iompóidh sí ar ais ina báisteach níos déanaí sa lá. Beidh sé an-ghaofar san iarthar agus san iarthuaisceart freisin.
Lean an treocht d’aimsir níos fliche ná an meán san oirthear agus sa deisceart isteach i mí Feabhra, agus tá idir trí huaire agus ceithre huaire an ghnáthmhéid báistí taifeadta i gcodanna den oirthear le linn an chéad choicíse den mhí Feabhra. Léiríonn an íomhá thíos na méideanna báistí a taifeadadh ar fud na tíre le ceithre lá dhéag anuas, agus na diallais is mó ón meán le feiceáil san oirthear.
Fíor 1: Báisteach: An ceithre lá dhéag seo caite
Fíor 2: Réamhaisnéis DINI maidir le báisteach agus gaoth don Chéadaoin
Comhairle Sábháilteachta don Phobal
Eolas Fúinn