Bhí áthas ar Met Éireann arís páirt a ghlacadh sa Taispeántas Eolaithe Óga agus Teicneolaíochta, a d’eagraigh Stripe i mbliana, a tháinig chun críche ag Cumann Ríoga Bhaile Átha Cliath le linn an deiridh seachtaine.
13 Eanáir, 2026
Ó chlé, Karl Roe agus Rebecca Cantwell de chuid Met Éireann, Iar-Stiúrthóir Cúnta Met Éireann, an tOll. Peter Lynch, craoltóir eolaíochta, Mark Langtry, agus Stiúrthóir Met Éireann, Eoin Moran
Mar fhorbairt iontach i mbliana, bhí baint ag Met Éireann le dhá ghradam a bronnadh ar fhaighteoirí fiúntacha ag an searmanas oifigiúil bronnta duaiseanna oíche Dé hAoine seo caite.
Cathaoirleach ar an Comhairle Chomhairleach um Athrú Aeráide, Marie Donnelly, agus Stiúrthóir Met Éireann, Eoin Moran roimh dóibh an Gradam tionscnaimh um Cheannaireacht Aeráide agus Nuálaíocht a bhronnadh ag Taispeántas Eolaithe Óga agus Teicneolaíochta Stripe
Bhronn Stiúrthóir Met Éireann, Eoin Moran, agus Cathaoirleach ar Comhairle Chomhairleach Éireann um Athrú Aeráide, Marie Donnelly, an Gradam tionscnaimh um Cheannaireacht Aeráide agus Nuálaíocht ar Naomi Picovici ó Choláiste San Leo, Ceatharlach, as a tionscadal maidir le tabhairt faoi thréithe tairbheacha na gcráinbheach Éireannach le pórú rialaithe chun marthanas a chinntiú in aeráidí atá ag athrú .
Naomi Picovici ó Choláiste San Leo, Ceatharlach arb í buaiteoir an Ghradaim tionscnaimh um Athrú Aeráide agus Nuálaíocht, in éineacht le Claire Camilleri ón gComhairle Chomhairleach um Athrú Aeráide agus meitéareolaí de chuid Met Éireann, Holly O’Neill ag Taispeántas Eolaithe Óga agus Teicneolaíochta Stripe
Lena linn sin, bhronn an Clíomeolaí Sinsearach, an Dr Pádraig Flattery, Gradam Met Éireann bliantúil, ar Nicholas agus Evelyn ó Phobalscoil Iosa, as a staidéar ‘Taking the Stick for a walk: Staidéar feadh bliana ar mhiocraeráid Mhullach Íde agus an tionchar atá aici ar líonra stáisiúin aimsire na hÉireann’.
Nicolas ó Phobalscoil Iosa, arb é buaitear Ghradam Met Éireann, ag Taispeántas Eolaithe Óga agus Teicneolaíochta Stripe, in éineacht leis an meitéareolaí de chuid Met Éireann, Holly O’Neill
In áit eile Dé hAoine, ghlac an Meitéareolaí, Rebecca Cantwell páirt i bplé painéil ar ghairmeacha san eolaíocht agus sa teicneolaíocht in Éirinn ar an bpríomhardán.
Tá páirt á glacadh ag an meitéareolaí de chuid Met Éireann, Rebecca Cantwell, i bplé painéil ar ghairmeacha in ETIM ag Taispeántas Eolaithe Óga agus Teicneolaíochta Stripe, 2026
Bhí Met Éireann feiceálach le linn na dtrí lá chun dul i dteagmháil le mic léinn, múinteoirí agus daoine den phobal. Tá taitneamh á bhaint ag cuairteoirí ar stalla Met Éireann as taispeántas uirlisí aimsire, taispeáint scáileáin tadhaill nua idirghníomhach, Tráth na gCeist de chuid Met Éireann a bhfuil an-tóir air agus an deis caint le saineolaithe faoin aimsir agus faoin aeráid.
Tá cuairt á tabhairt ag mic léinn ar stalla Met Éireann ag Taispeántas Eolaithe Óga agus Teicneolaíochta Stripe
Léirítear le páirt a ghlac Met Éireann san imeacht a thiomantas leanúnach d’oideachas, for-rochtain agus comhoibriú, rud a thacaíonn le daoine óga de réir mar a dhéanann siad iniúchadh ar smaointe eolaíocha a chabhraíonn leis an am amach romhainn in Éirinn a mhúnlú.