Réamhaisnéis Néimeatóidíris na Roinne Talmhaíochta, Bia agus Mara 2023

Is galar seadánach dian é Néimeatóidíreas a thugtar faoi deara in uain nuair a bhíonn siad idir 6 agus 12 sheachtain d’aois. Ionfhabhtaítear iad nuair a ionghabhann siad líon mór larbhaí ionfhabhtaíocha nuair a bhíonn siad ag innilt ar fhéarach éillithe. Níl saolré N. battus cosúil le saolré cruinnphéisteanna eile toisc nach dtagann larbhaí ionfhabhtaíocha as na huibheacha a leagtar ar féarach go dtí an bhliain dar gcionn. Tarlaíonn sé sin i rith teagmhas breithe ollmhór san earrach nuair a théann teocht na hithreach tar éis tréimhse aimsire fuaire. Tarlaíonn an galar i míonna Aibreáin, Bealtaine agus Meithimh de ghnáth.

Tar éis d’uain na larbhaí Néimeatóidíreas a ionghabháil, téann an larbha isteach trí bhalla na stéige. Is iad na saintréithe a luaitear leis an ngalar ná buinneach raidhsiúil, díhiodráitiú agus cailliúint meáchain. D’fhéadfadh an tionchar céanna a bheith ag an ngalar ar laonna. Sa chás go dtarlaíonn ráig, is féidir grúpa uan a fheiceáil ag bailiú thart ar umair uisce de bhrí go mbíonn tart uafásach orthu. Ní chuireann an seadán isteach ar chaoirigh fhásta.

Is é an bealach is fearr chun cosc a chur ar an ngalar seo ná trí uain na bliana reatha a choimeád as féarach na bliana seo caite a ndearna uain nó gamhna óga (ar féidir leo a bheith ina n-iompróirí ionfhabhtaithe) innilt air an bhliain roimhe sin. Tá fiontair a bhfuil rátaí stocála arda acu leochaileach. Tá baol níos mó luaite le huain chúpla, nó uain aonair de chuid caorach le droch-chumas bleáin, an galar a fháil toisc go dtosaíonn siad ag ithe níos mó féir níos luaithe ina saol. Má tá féarach ‘glan’ ar fáil, ba cheart uain mar seo a bhogadh ar dtús a bheith mar thosaíocht.

An uair a atáthar ag súil le buaicghoradh uibheacha i mbliana

Táthar ag súil go mbeidh tréimhse buaicghortha uibheacha uasta Néimeatóidíris le tabhairt faoi deara i mbliana idir deireadh mhí an Mhárta agus laethanta tosaigh mhí Aibreáin ar imeall chósta an deiscirt agus chósta an Atlantaigh. San oirthear, i lár na tíre agus i gceantair intíre an iarthuaiscirt beidh sé beagán níos déanaí, agus is gnách go dtarlaíonn an tréimhse buaicghortha uibheacha idir an 6-12 Aibreán. Tá eolas le fáil ar an léarscáil thíos maidir le huainiú tréimhsí buaicghortha uibheacha Néimeatóidíris ar fhéarach.

Lá meastacháin i mí Aibreáin 2023 do ghoradh uasta Néimeatóidíris