Stáisiúin Bhreathnadóireachta Aimsire

CIONN MHÁLANNA
Suíomh:
55°22'20" N
7°20'20" W.
22M os cionn leibhéal na farraige
Tá stáisiún sionoptach Chionn Mhálanna suite ag an bpointe is faide thuaidh ar oileán na hÉireann, ag barr leithinis Inis Eoghain i gContae Dhún na nGall. Is é Carn Domhnach an baile is cóngaraí, atá 19 Km theas thoir theas ón stáisiún.

Stair:
Tógadh na foirgnimh atá ann faoi láthair sa bhliain 1955, nuair a chuir pearsanra Sheirbhís Meitéareolaíochta na hÉireann tús le breathnadóireachtaí aimsire gach uair. Téann taifid an stáisiúin siar chomh fada leis an mbliain 1885, ámh. Ba phearsanra ón gcuideachta árachais  Lloyd's, a bhí ag obair sa stáisiún comharthaíochta áitiúil ar an gcósta, agus ba iad seo a d’ullmhaigh na chéad tuarascálacha rialta aimsire agus a tharchuir iad. Lean oifigigh na ngardaí cósta leis an obair seo go dtí na fichidí luatha. Ó na 1920dí go dtí 1955 tugadh an obair do theaghlach áitiúil ar conradh leis na sonraí clíomeolaíochta a sholáthar agus ar a laghad tuairisc aimsire amháin gach lá.

An ghé aimsire a idirdhealaíonn Cionn Mhálanna ó stáisiúin eile ar fud na tíre ná luas na gaoithe. Beagnach gach bliain taifeadtar gaotha ag fórsa stoirme 12 ag an stáisiún. Is é 98 muirmhíle an séideán is airde a taifeadadh go dtí seo, a tharla ar an 16 Meán Fómhair 1961 nuair a shroich deireadh Hairicín Debbie cósta thiar na hÉireann agus rinne sé damáiste go forleathan ar fud na tíre.

Cuireadh deireadh le breathnadóireacht láimhe ag an stáisiún aimsire i gCionn Mhálanna ar an 31ú Nollaig 2009. Tá stáisiún uathoibríoch lonnaithe san ionad céanna ón gcéad lá de mhí Eanair 2010.