An Rannóg Réamhaisnéise Ginearálta

Bailiú Sonraí – Ón Talamh
Breathnadóireachtaí ó Stáisiúin Aimsire Met Éireann a thuairisciú.

Déanann Oifigeach Meitéareolaíochta na buntascanna teicniúla sa tSeirbhís Meitéareolaíochta. I measc na ndualgas sin tá breathnadóireachtaí aimsire, cúram agus cothabháil na hionstraimíochta meitéareolaíochta agus áiseanna cumarsáide, oibríochtaí ríomhaireachta agus ríomhchlárú. Glactar léamh gach uair an chloig ag ár stáisiúin aimsire uile (gach leath uair an chloig le haghaidh na stáisiún eitlíochta). Treo agus luas na gaoithe, teochtaí tirimbholgáin agus fliuchbholgáin óna ríomhtar bogthaise, brú agus claonadh an atmaisféir, scamaill (méideanna, cineálacha agus airde), feicseanacht, an aimsir láithreach agus an aimsir a bhí ann le huair an chloig anuas agus an aimsir a bhí ann le trí huaire anuas. Déantar na léamha a chódú agus a iontráil ar Ríomhaire Pearsanta áit a ndéantar rialú cáilíochta orthu sula ndéantar iad a tharchur trí mhóideim chuig Glas Naíon i mBaile Átha Cliath.

Le linn an lae tá fostaithe i mBiorra agus i gCill Chainnigh, ach san oíche oibríonn na stáisiúin go huathoibríoch. Tá na stáisiúin i Rinn an Róistigh agus san Aerchór i bhFionnúir ina stáisiúin lánuathoibríocha.
Má roghnaíonn tú suíomh ar an léarscáil nó an nasc ar an imeall is féidir leat amharc ar chur síos achomair ar an suíomh sin.

	Stáisiúin Sonraí ar Fáil                       Béal an Mhuirthead       Biorra       Clár Chlainne Mhuiris       Cluain Eois       Fionnúir         Cill Chainnigh       Cionn Mhálanna       An Muileann gCearr       Rinn an Róistigh       Ros Láir       Dairbhre
	Aerfoirt Sonraí ar Fáil                       Mhic Easmainn       Chorcaí       Bhaile Átha Cliath       Chnoc Mhuire         Sionainne                               Sonraí ó Inniu Sonraí ó Inné Sonraí Míosúla