Weatherdial

Is féidir formhór na bhfiosrúchán ginearálta a fháil trí WEATHERDIAL, an tSeirbhís Aimsire Ardráta, atá ar fáil ar an bhfón nó trí fhacs. Is féidir réamhaisnéisí a chlos do na ceithre chúige, do Mhórcheantar Bhaile Átha Cliath agus d’uiscí cósta na hÉireann agus do Mhuir Éireann ach glaoch ar na huimhreacha seo a leanas:

Cosnaíonn glaonna €0.97 sa nóiméad
 
Facs Weatherdial
Tá réamhaisnéisí i dtéacs, cairteacha iseabar, meiteograim, táirgí clíomeolaíochta agus eitlíochta ar fáil ó Met Éireann anois agus is féidir iad a sheoladh díreach chuig do mheaisín facs trí FHACS WEATHERDIAL. Tá leathanaigh chabhrach ann chomh maith.
Weatherdial Fax PRODUCT LIST [PDF]

Cad atá ag teastáil?
• Meaisín Facs
• Sás láimhe tóndialaithe (i gcás roinnt meaisíní facs ceadóidh siad diailiú ó eochaircheap)
• Rochtain teileafóin ar uimhreacha Ardráta

Cad a dhéanann tú?
• Ardaigh an sás láimhe agus diailigh an uimhir 1570 131 838 – níl aon ghá le cód limistéir, ach má tá tú ag glaoch trí PABX seans go mbeidh gá 9 a diailiú (de ghnáth) chun uimhir sheachtrach a fháil.
• A luaithe is a fhreagraítear do ghlaoch, cloisfidh tú guth ag iarraidh ort an Cód Táirge a chur isteach (tá a chód féin ag gach táirge). Má tá tú ag baint úsáide as an tseirbhís seo den chéad uair, cuir isteach an Cód Táirge * 0000 (príomh-roghchlár) nó Cód Táirge 0400 (roghchlár do tháirgí eitlíochta). Iarrfar ort é seo a ‘dhearbhú’ (ach uimhir 1 a bhrú) nó a ‘athiontráil’ (ach uimhir 2 a bhrú). Ansin iarrfar ort an cnaipe ‘start’ a bhrú ar do mheaisín facs agus gan rómhoill tosóidh leathanaigh le roghchlár á gcló amach ón meaisín facs agat le liosta cuimsitheach de tháirgí agus de chóid.
• Breathnaigh ar an liosta agus beartaigh cén táirge atá uait, téigh tríd an ngnáthamh arís, ag cur isteach an chóid táirge chuí.
• Is féidir níos mó ná táirge amháin a roghnú; ní gá ach na noda a thugann an guth ar an teileafón duit a leanúint agus breac síos an cód ar leith a thugtar duit do do rogha.

Cad a chosnaíonn sé?
• Cosnaíonn glaonna ar FACS WEATHERDIAL €01.78 sa nóiméad (CBL san áireamh).
Is é  iTouch, Páirc Ghnó Citywest, Co. Átha Cliath an soláthraí seirbhíse.
Teil: 01-411 2021.

An féidir le gach duine rochtain a fháil ar FACS WEATHERDIAL?
• Faoi láthair níl an tseirbhís seo ar fáil ach do dhaoine a ghlaonn ó laistigh de Phoblacht na hÉireann.
*Cóid shamplacha: Pleanálaí Farraige thoir 0041, Téacs Limistéar na Mumhan  0001,
Meteogram Chorcaí 0053, Téacs Mhórcheantar Bhaile Átha Cliath 0005, Téacs Limistéar Laighean  0002,
Seirbhís teileafóin amháin: 1550 123 + 850 (Mumhan), 851 (Laighean), 852 (Connacht), 853 (Ulaidh), 854 (Mórcheantar Baile Átha Claith) nó 855 (Limistéar na Farraige).