| Rannóga Met Éireann
Riarachán agus Oiliúint
Tá an Rannóg seo freagrach as cúrsaí airgeadais,
buiséid, pearsanra, cóiríochta, soláthairtí agus
nithe eile dá leithéid. Cuireann sí seirbhísí rúnaíochta,
malartán teileafóin, oifig fáilte agus seirbhísí eile
ar fáil don Cheanncheathrú. Déanann sí maoirseacht
riaracháin ar an líonra breathnadóireachta sionoptach agus
déanann monatóireacht ar shocruithe uainchláir ag na stáisiúin
mhóra, chomh maith le hidirchaidreamh a dhéanamh leis na Rannóga
Pearsanra agus Airgeadais sa Roinn Comhshaoil, Pobail agus Rialtais Áitiúil.
Tá an fhreagracht riaracháin ar an Rannóg seo chomh maith
as feidhmeanna oiliúna na Seirbhíse. Sa ról seo féachann
an rannóg le fáil amach cad iad riachtanais oiliúna na foirne
agus pleanáil dá gcomhlíonadh. D’fhonn freastal ar
na riachtanais seo, tá ar an Rannóg idirchaidreamh a dhéanamh
le hAeradróm Mhic Easmainn, agus le Rannóga eile agus leis an Aonad
Eagrúcháin agus Forbartha sa Roinn.
Mar chuid den fheidhm seo freisin bíonn ar an Rannóg idirchaidreamh
a dhéanamh le Ranna Rialtais eile agus le hEagraíochtaí idirnáisiúnta.
Joseph Bourke, Ceann na Rannóige
|
