Eolas Fúinn


Tá Met Éireann, Seirbhís Náisiúnta Meitéareolaíochta na hÉireann, ina chuid den Roinn Comhshaoil, Pobail agus Rialtais Áitiúil. Tá sé ar an bpríomhsholáthróir a chuireann eolas faoin aimsir agus faoi sheirbhísí bainteacha ar fáil d’Éirinn.

Ár Ráiteas Misin

An misean atá againn ná breathnú, miondealú agus fáistiniú a
dhéanamh ar aimsir agus ar aeráid na hÉireann, agus raon
seirbhísí meitéareolaíochta agus eolas gaolmhar den scoth a
sholáthar dár gcustaiméirí. Is é atá is gceist sa Ráiteas Misin ná go ndéanfaimid, mar Sheirbhís
Meitéareolaíochta, na nithe seo a leanas:

• ár ndícheall a chinntiú go ndéantar saol agus maoin an phobail a chosaint trí réamhaisnéis aimsire agus rabhaidh thráthúla a eisiúint
• oibriú go héifeachtach ar mhaithe le rathúnas náisiúnta agus le cuspóirí an Rialtais trí sheirbhísí meitéareolaíochta cuí a sholáthar do gach earnáil
• dualgais an Stáit a chomhlíonadh maidir le seirbhísí meitéareolaíochta a sholáthar don earnáil eitlíochta
• sástacht an chustaiméara a chinntiú trí anailís chúramach a dhéanamh ar aiseolas ón úsáideoir deiridh, agus trí fheabhas leanúnach a chur ar raon agus ar chaighdeán ár seirbhísí, ar chostéifeacht ár gcuid oibríochtaí agus ar chaighdeán iomlán na seirbhíse
• timpeallacht oibre ghairmiúil thacúil a chothú d'fhonn fostaithe atá tiomanta dá gcuid oibre a mhealladh agus a choinneáil
• a chinntiú go ndéantar bonneagar meitéareolaíochta costéifeachtach den scoth a chothú agus feabhas a chur air, ag teacht le ceanglais agus acmhainní náisiúnta
• cur le caighdeán ár gcartlanna clíomeolaíocha agus rochtain éasca agus éifeachtach a chur ar fáil ar ár mbunachair shonraí
• páirt a ghlacadh san fhorbairt leanúnach atá ar bun ar mheitéareolaíocht agus ar a feidhmeanna, i gcomhar lenár bpáirtithe meitéareolaíochta Eorpacha agus leis an bpobal eolaíochta i gcoitinne
• oibriú ar mhaithe leis an monatóireacht éifeachtach agus leis an dea-bhainistíocht ar an gcomhshaol nádúrtha
• páirt a ghlacadh, maidir le cúrsaí eolaíochta, sa díospóireacht ar athrú aeráide